बागबजार, फेब्रुअरी १५, २०२५: एमआईटी कलेज, बागबजारमा हल्ट प्राइजको आईओई, पुल्चोक क्याम्पस सेमिफाइनल प्रतियोगिता सम्पन्न भएको छ। “अनलिमिटेड” भन्ने थिमका साथ आयोजित यस प्रतियोगितामा २५ उत्कृष्ट सेमिफाइनलिस्ट टोलीहरूले आफ्नो नवप्रवर्तनशील विचार प्रस्तुत गरेका थिए। यी टोलीहरूको उद्देश्य संयुक्त राष्ट्रसंघीय दिगो विकास लक्ष्य (SDGs) सँग समन्वय गर्दै विश्वका गम्भीर चुनौतीहरूको समाधान गर्नु थियो।
कार्यक्रम बिहान १०:०० बजे सुरु भएको थियो। कार्यक्रममा दुई होस्ट, मिस साईशा श्रेष्ठ (आउटरीच म्यानेजर) र मिस प्रशंसा श्रेष्ठ (मार्केटिङ लिड) ले सुरुदेखि नै उपस्थित दर्शकहरूलाई सम्हाले। मिस साईशा श्रेष्ठको स्वागत मन्तव्यपछि परम्परागत खादा ओढाई र पानस बाल्दै अतिथिहरूलाई सम्मान गरिएको थियो। तत्पश्चात, सहभागी सबैले राष्ट्रिय गानमा सहभागीता जनाए। हल्ट प्राइजको क्याम्पस डाइरेक्टर, मिस रियाज नेपालले प्रेरणादायी भाषण दिँदै औपचारिक पिचिङ सेसनको सुरुवात गरिन्।
सहभागी टोलीहरूले आफ्नो नवप्रवर्तनशील समाधान चार मिनेटको पिचिङ र चार मिनेटको प्रश्नोत्तर सेसन मार्फत प्रस्तुत गरे। यस प्रतियोगिताको निर्णायक मण्डलमा बिजनेस स्ट्राटेजिस्ट निकिता बज्राचार्य, सफ्टवेयर विकास विज्ञ उज्ज्योल सिंह, मिस नेपाल वर्ल्ड २०१५ तथा सामाजिक अभियन्ता एभाना मानन्धर, वातावरण अधिवक्ता राजन थापा, र स्टार्टअप प्रणालीका नेता सतीश खड्का रहेका थिए।
निर्णायकहरूले प्रस्तुतीको मूल्याङ्कनका लागि प्रदर्शन मापदण्ड, व्यावसायिक मोडेल मूल्याङ्कन, बजार परीक्षण, र अन्य प्रमुख सूचकांकहरूको आधारमा अंक प्रदान गरे।
सहभागी टोलीहरूले नवीकरणीय ऊर्जा उपयोगदेखि लिएर जलवायु परिवर्तन नियन्त्रणसम्म र प्रविधिको माध्यमबाट पहुँचको पुनःपरिभाषासम्मका विचार प्रस्तुत गरे। यी टोलीहरूको रचनात्मकता, प्रतिबद्धता, र स्रोत साधनहरूको उपयोगले निर्णायकहरूलाई प्रभावित गर्यो।
निर्णायकहरूले सहभागीहरूको प्रस्तुतिको प्रशंसा गरे। मिस बज्राचार्य र मिस श्रेष्ठले “स्पष्ट उद्देश्य र प्रभावकारी समाधानप्रतिको प्रतिबद्धता” को प्रशंसा गरिन्। श्री सिंहले प्रस्तावित समाधानहरूमा प्रविधिको समावेशको प्रशंसा गरे भने श्री थापा र श्री खड्काले स्थायित्व र विस्तारयोग्यता केन्द्रित अवधारणाहरूको प्रशंसा गरे।
दिउँसो करिब १:०० बजे सबै निर्णायक र सहभागीहरूको लागि आधा घण्टाको भोजन विश्रामको व्यवस्था गरिएको थियो, जसमा उनीहरूले मेरोमा रेस्टुरेन्टको स्वादिष्ट खानेकुरा र मनकामना बेभरेजेजद्वारा प्रायोजित पेय पदार्थहरूको आनन्द लिए।
कार्यक्रमको अन्त्यमा निर्णायकहरूलाई मिस प्रशंसा श्रेष्ठले धन्यवाद दिँदै, क्याम्पस डाइरेक्टर मिस रियाज नेपालले हाम्रो गिफ्टिङ पार्टनर सिएनसी काष्ठकला नेपालद्वारा प्रदान गरिएको हस्तकला, द प्लान्ट रूम नेपालद्वारा प्रदान गरिएको बिरुवा, काठमाण्डप खाद्य उद्योगको लखमरी र कान्तिपुर कफीद्वारा प्रायोजित रिफ्रेसमेन्ट प्रदान गरिन्।
समाप्ति समारोहमा, निर्णायकहरूको मूल्याङ्कनपछि १० उत्कृष्ट टोलीहरूको छनौट गरियो, जसले केरलामा पूर्ण रूपमा प्रायोजित यात्राको अवसर प्राप्त गर्नेछन्। उत्कृष्ट टोलीहरू:
१. प्रगतिशील
२. पावर अप्टिमाइजर्स
३. व्हेटुगो
४. क्रियोभेटिभ
५. इन्द्रिय
६. लिपसिंक
७. इनभेसिभ इन्जिनियर्स
८. स्वास्थ्य एआई
९. अंकुर
१०. क्लोजएआई
११. फार्मइजी
यस सेमिफाइनल प्रतियोगिताले युवा प्रतिभाहरूको सशक्तिकरण, नवीनता, र सकारात्मक परिवर्तनप्रतिको प्रतिबद्धतालाई उजागर गर्यो।
अबको प्रतिक्षा फाइनलको लागि हो। सबैलाई शुभकामना!
Discussion about this post